Humirit ng dayalogo ang ilang Maranao civil society leader kay Pangulong Rodrigo Duterte hinggil sa nagpapatuloy na bakbakan ng mga tropa ng gobyerno at ISIS-Maute Group sa Marawi City.
Nais alukin ng mga Maranao leader ng alternatibong paraan ang Pangulo upang matuldukan na ang mahigit tatlong (3) linggong sagupaan.
Aminado si Ranao Rescue Team Spokesperson Samira Tomawis, isa sa dalawampu’t isang (21) miyembro ng Bangsamoro Transition Commission na nagbitiw siya sa komisyon bilang protesta sa madugong airstrike.
Ayon kay Tomawis, marami silang nais na banggitin ng personal kay Pangulong Duterte at hindi kanino pa man.
Gayunman, tumanggi ang Maranao leader na idetalye kung ano ang mga ito dahil tanging ang Pangulo aniya ang dapat nitong makaalam.
By Drew Nacino
Ilang grupong Maranao humirit ng dayalogo sa Pangulo was last modified: June 13th, 2017 by DWIZ 882