Tinamaan ng mahinang pagyanig ang ilang bahagi ng Surigao del Sur at Guimaras, kaninang madaling araw.
Ayon sa Philippine Institute of Volcanology and Seismology (PHIVOLCS), alas-4:33 ng umaga nang tamaan ng magnitude 3.1 na lindol ang bahagi ng Nueva Valencia sa Guimaras.
Naitala ang epicenter nito, 14 na kilometro sa timog kanluran ng Nueva Valencia, at mayroon itong lalim na 39 na kilometro.
Mas maaga naman tinamaan ng magnitude 3 na lindol ang bahagi ng Hinatuan sa Surigao del Sur, kung saan ang epicenter ay naitala tatlong kilometro sa hilagang silangan ng Hinatuan at may lalim na 30 kilometro.
By Katrina Valle