Ilan pang pasahero sa mga transport terminal ang humabol upang makauwi sa kani-kanilang probinsya ngayong pasko.
Maluwag at halos wala nang tao sa Araneta Center Bus Station, Araneta Bus Port at Edsa-Cubao sa Quezon City sa bisperas ng pasko kumpara sa sitwasyon noong weekend.
Ayon sa Quezon City Police District (QCPD), wala namang kanseladong biyahe hanggang ngayong araw.
Sa kabila nito, mahigpit pa rin ang ipinatutupad na seguridad ng QCPD sa mga transport terminal at iba pang mataong lugar.