Nagpasaklolo na sa National Bureau o Investigation o NBI ang Integrated Bar of the Philippines para imbestigahan ang pagpatay kay Vice Mayor John Ungab na nagsisilbi ring abogado ni Kerwin Espinosa, tinaguriang drug lord sa kabisayaan.
Hiniling ng IBP kay NBI Director Dante Guerran ang mas malalim at mabilis na imbestigasyon upang matukoy ang mga pumatay kay Ungab.
Nagpahayag ng pagkabahala ang IBP sa anila sunod-sunod na pagpatay sa kanilang mga miyembro at ang mabagal na pag-usad ng hustisya para sa mga biktima.
Una rito ay dumulog na rin sa NBI ang pamilya ni Ungab .
Iginiit nila na walang kinalaman sa illegal drugs si Ungab at ipinagtatanggol lamang niya si Espinosa dahil kliyente niya ito bilang isang abogado.
—-