Nagsisimula pa lamang maramdaman ang Hurricane Florence sa bahagi ng east coast ng Amerika.
Pinutol na ng nasabing bagyo ang supply ng kuryente sa tinatayang isandaang libong (100,000) kabahayan.
Kasabay nito, nagbabala ang mga opisyal sa life threatening storm surges sa estado ng north at south Carolina.
Nanganganib umanong mayroong mabuwis na buhay sa gitna nang pananalasa ng Hurricane Florence na magdudulot din ng malawakang pagbaha.
Una nang napaulat ang pagbaha sa malaking bahagi ng North Carolina at ayon sa National Hurricane Center, posibleng mas dumoble pa ang lakas ng hangin at lumwak ang nasasakupan ng bagyo.
Nabatid na bumaba na sa category 2 ang Hurricane Florence subalit inaasahan pa rin ang mga pinsalang idudulot nito.