Pinamamadali na ni dating Pangulo at Pampanga Rep. Gloria Macapagal Arroyo sa Korte Suprema ang pagdedesisyon kaugnay inihain nilang mosyon.
Kaugnay ito sa kahilingan ng kampo ng dating pangulo na house arrest o ang paglipat ng piitan mula Veterans Memorial Medical Center patungo sa kanyang tahanan sa La Vista sa Quezon City.
Iginiit ng kampo ni Ginang Arroyo na kanila nang naisumite ang lahat ng mga argumento at sagot ng kanilang panig sa lahat ng ginawang pagtutol ng mga taga-usig.
Noong isang taon pa inihain ang nasabing mosyon sa High Tribunal kaya’t nagpasya na ang kampo ng dating punong ehekutibo na muling buhayin ang kanilang hiling.
By Jaymark Dagala | Jill Resontoc (Patrol 7)