Nakaligtas sa pananambang ang hepe ng Solana Cagayan Police Station at mga kasamahan nitong pulis sa bahagi ng Barangay Gadu kaninang madaling araw.
Ayon kay Cagayan Provincial Police Director Senior Supt. Warren Tolito, nagpapatrolya ang police unit na pinamumunuan ni Senior Supt. Renz Baloran para tiyakin ang seguridad ng mga ibibiyaheng mga ballot boxes nang bigla na lamang sila pagbabarilin.
Bumalik aniya ang mga police at nagtago sa loob ng Gadu Church hanggang sa dumating ang karagdagang pwersa mula sa Solana Police at Cagayan police provincial mobile force company.
Wala namang napaulat na nasugatan sa insidente.