Posibleng ikasal muli sa ikalawang pagkakataon ang mag-asawang Heart Evangelista at Senador Chiz Escudero.
Ipinahiwatig ito ng aktres makaraang magkaayos na ang kaniyang mister at mga magulang na sina Reynaldo at Cecile Ongpauco nang magkasama-sama sa isang hapunan.
Sa kaniyang Instagram account, ibinahagi ni Heart ang kanilang wedding photo sa Balesin Island na may caption na “All I can say is, I can’t wait”, dahilan para magtanong ang kaniyang mga followers kung ano ang kaniyang tinutukoy.
Good news naman ang sagot ni Heart sa isang comment ng kaniyang kaibigan patungkol sa kaniyang post, ngunit sa halip, lumutang ang ispekulasyong siya’y buntis na agad namang itinanggi ng aktres at sinabing sa susunod na taon pa nila plano magkaanak.
Sa isang komento naman ng follower ni Heart kung tinutukoy nito ay ang second wedding kung saan makakadalo na ang kanyang mga magulang, tila sumang-ayun ang aktres sa makahulugan niyang sagot na “Amen” na emoticon.
By Krista de Dios