Darating na sa Linggo, Pebrero 23, ang mga Pilipinong sakay ng Diamond Princess cruise ship na na-quarantine sa Japan.
Ayon kay Health Secretary Francisco Duque III, dalawang eroplano ang sasakyan ng mga Pinoy na lalapag sa hangar ng haribon sa Clark air base.
Ididiretso anya sila sa New Clark City sa Capas, Tarlac kung saan sila i-qu-quarantine ng 14 na araw.
Sinabi ni Duque na 16 na ospital sa ibat ibang panig ng bansa ang nagboluntaryong magpadala ng tig-10 teams para tumulong sa pag-quarantine sa humigit kumulang 500 Pinoy galing ng Diamond Princess cruise ship.
Samantala, hindi naman kasama sa uuwi ang mga nakitaan ng sintomas at ang mga nagpositibo sa coronavirus disease (COVID-19) dahil kailangan pa silang imonitor sa ospital.
Sa 538 na Pilipino sa cruise ship, 44 ang nag positibo sa COVID-19.
