Sisikapin ng ride-hailing company na Grab Philippines na hindi na magkaroon pa ng paglabag sa kanilang bagong set of commitments o mga kondisyon na inaprubahan ng Philippine Competition Commission (PCC) ngayong taon.
Ito ay kasunod na rin ng atas ng PCC sa Grab na magrefund bunsod ng makailang beses na paglabag sa kanilang pangakong makontrol ang pasahe at mas masaayos ang kalidad ng kanilang serbisyo.
Ayon kay Grab Philippines Country Head Brian Cu, naipamahagi na nila ang kabuuang P19-milyon na iniutos ng PCC na irefund sa kanilang mga customers noong ika-31 ng Disymebre.
Tuluy-tuloy naman po ang pakikipag-ugnayan natin sa pamahalaan natin, do’n sa PCC po mayroon tayong panibagong set of voluntary commitment na talagang by this year wala na dapat na violation… Ang request lang po namin ay sana ang LTFRB ay magbukas pa ng bagong slots para sa Grab Car sa ibang mga TNVS,” ani Cu.
Samantala, nilinaw naman ni Cu na hindi sila nagkaroon ng overpricing sa pasahe dahil nananatiling pasok ito sa fare matrix ng Land Transportation Franchising and Regulatory Board (LTFRB).
Nagkaroon po ng deviation sa voluntary commitment around pricing, so, wala pong overpricing na nangyari, kahit mismong LTFRB ang nagsabi na after nilang nireview ‘yung price naming, pasok naman po kami doon sa fare matrix ng LTFRB,” ani Cu. —sa panayam ng Ratsada Balita