Mas tumindi pa ang tensyon sa pagitan ng Russia at Turkey matapos ang nangyaring airstrike sa Syria na ikinasawi ng nasa 33 sundalong Turkish.
Batay sa ulat, isinagawa ng Syrian forces na tinutulungan ng Russia ang airstrike laban sa puwersa ng Syrian opposition na kinakampihan naman ng Turkey.
Layon umano ng pag-atake ang mabawi ng Syrian government forces ang nalalabing teritoryo na hinahawakan ng oposiyon.
Dahil dito, nanganganib namang magkaharap ang Russia at Turkey sa isang digmaan.
Habang nagbabala rin ang Turkey na bubuksan ang gate para sa mga Syrian refugees na nagnanais pumunta ng Europe.