Sinampahan ng kasong Malversation of Public Funds at Graft si dating Palawan Governor Abraham Kahlil Mitra dahil sa maanomalyang paggamit nito ng P3 Milyong fertilizer fund.
Nag-ugat ang fertilizer fund scam taong 2004 kung saan Congressman pa lamang ng mga panahong ito ang dating Gobernador.
Batay sa office of the Special Prosecutor ay pinayagan nito ang paglustay sa P1.95 Milyong Piso o 65 percent ng P3 Milyong Piso sa project implementor nito na Gabaymasa Development Foundation na paglabag sa nilagdaan nilang memorandum of agreement (MOA).
Nakasaad kasi na 20 percent lamang ang dapat na i-transfer na pondo sa nasabing foundation.
Una ng sinabi ng Ombudsman na batay sa commission on audit (COA) ay hindi accredited ang nasabing project implementor at walang record na magpapatunay na ipinatupad ang mga proyekto para sa mga magsasaka.
By: Mariboy Ysibido