Magsusumite ng sariling listahan ng mga ‘narco-politician’ si dating Albuera Chief at ngayo’y hepe ng Ozamiz City na si Police Chief Inspector Jovie Espenido kay Pangulong Rodrigo Duterte at sa Philippine Drug Enforcement Agency o PDEA.
Kasunod ito ng inilabas ng Philippine Drug Enforcement Agency o PDEA kamakailan na listahan ng pangalan ng mga kapitan at kagawad ng barangay na sangkot umano sa operasyon ng iligal na droga.
Ayon kay Espenido, mayroon siyang hawak na mga pangalan ng mga barangay officials na umamin mismo sa kanya na direktang nakatatanggap mula sa self-confessed drug lord na si Kerwin Espinosa.
Nabatid na wala ni isang pangalan ng barangay official mula sa inilabas na ‘narco-list’ ng PDEA ang mula sa Region 8 at Region 10.
—-