Kasong libel ang naging sagot ni Manila Mayor Joseph Estrada sa naging hamon sa kanya ni dating alkalde Alfredo Lim na magpa-lie detector test kaugnay sa usapin ng Torre de Manila.
Ayon kay Estrada, ikinokonsidera nya ang paghahain ng kaso laban kay Lim dahil sa ginawa nitong pang-uugnay sa kanya sa pagkakatayo ng tinaguriang pambansang photobomber.
Tinawag pa nitong matandang ulyanin o may sakit na Alzheimer’s disease si Lim dahil hindi nito maalala na sa ilalim ng administrasyon nito nakakuha ng clerances ang naturang proyekto.
Aniya, may mga hawak syang ebidensya na may basbas ni Lim ang pagtatayo ng naturang condominium unit sa kabila ng paglabag nito sa ordinansa ng lungsod na nagbabawal sa paglalagay ng obstruction sa mga heritage site.
By Rianne Briones