Itinalaga na sa bagong posisyon si NCRPO Chief Guillermo Eleazar bilang chief ng directorial staff na siyang pang – apat na pinakamataas na posisyon sa Philippine National Police (PNP).
Ayon kay PNP Spokesman Brig General Bernard Banac, epektibo sa October 12, Sabado ang bagong assignment ni Eleazar.
Ang naging paggalaw sa top brass officials ng PNP ay bunsod ng pagreretiro ngayong araw ni Lt. Gen Fernando Mendez Jr. na siyang PNP deputy chief for administration.
Si Lt. Gen Archie Gamboa ang siyang papalit kay Mendez habang si Lt Gen Camilo Cascolan ang papalit kay Gamboa bilang deputy chief PNP for operations.
Papalit naman sa posisyon ni Eleazar bilang hepe ng NCRPO si Central Visayas Police Chief BGen Debold Sinas.