Nangungunang trending topic sa twitter sa Pilipinas ang hashtag ECQ season3 (#ecqseason3).
Kasunod ito ng anunsyo ni Panguong Rodrigo Duterte sa muling pagpapalawig ng umiiral na enhanced community quarantine (ECQ) sa Metro Manila at ipa bang bahagi ng bansa hanggang Mayo 15.
Magugunitang unang idineklara ni Pangulong Duterte ang pagsasailalim sa community quarantine sa Metro Manila noong Marso 15 at ginawang enhanced community quarantine sa buong Luzon noong Marso 17.
Bago pa man ang araw ng pagtatapos sana ng ECQ noong Abril 17, inanunsyo naman ang dalawang linggo pang extension nito hanggang Abril 30.
Habang batay sa pinakahuling anunsyo ni Presidential Spokesperson Harry Roque, inaprubahan ni Pangulong Duterte ang rekomendasyon ng IATF na palawigin sa ikalawang pagkakataon ang pagpapatupad ng ECQ hanggang Mayo 15.
Sakop nito hindi lamang ang Metro Manila kundi maging ang Calarbazon, Central Luzon at mga lalawigan ng Pangasinan, Benguet, Mindoro Island, Albay, Catanduanes, Panay Island, Cebu at Davao Provinces.