Patuloy na bibigyan ng assistance at family food packs ng DSWD ang mga miyembro ng KADAMAY na umukupa sa housing units sa Pandi, Bulacan.
Ipinabatid ito ni DSWD Secretary Judy Taguiwalo dahil ayaw niyang maulit ang Kidapawan incident nuong April 2016 kung kailan nasawi ang isang magsasaka at 13 iba pa ang sugatan nang i disperse ng mga otoridad ang kanilang protest action.
Sinabi ni Taguiwalo na tuluy tuloy ang assistance nila sa mga miyembro ng KADAMAY base na rin sa mga panuntunang itinakda ng tanggapan.
Kasabay nito nilinaw ni Taguiwalo na binigyan din nila ng assistance ang mga lehitimong relocatees sa Pandi.
Magugunitang inukupa ng mga miyembro ng KADAMAY ang housing units sa Pandi Residence 3, Pandi Village 2 at Padre Pio.
By: Judith Larino