Pinag-iingat ng Department of Transportation ang publiko sa mga naglipanang manloloko na gumagamit sa kanilang pangalan
Ito’y makaraang mabatid ng kalihim na may ilang taong naglilibot gamit ang pangalan ng DOTR upang humingi ng tulong para sa mga nabiktimang pagsabog sa Roxas Night Market sa Davao City nuong Setyembre a-Dos
Paglilinaw ni Transportation Secretary Arthur Tugade, hindi kailanman sila gagawa ng ganuong uri ng hakbang para lamang ipangtulong sa mga biktima
Maliban sa Transportation Department, may ilan ding ginagamit ang pangalan ni Davao City Mayor Inday Sarah Duterte sa kahalintulad na modus operandi ng mga kawatan
Magugunitang Dalawandaang Libong Piso ang ibinigay ni Pangulong Rodrigo Duterte sa pamilya ng labinlimang nasawi sa insidente nuong isang linggo
By: Jaymark Dagala