Tiwala si Justice Secretary Leila de Lima na hindi makakaapekto sa isinusulong na peacetalks sa Moro Islamic Liberation Front (MILF) ang inihaing reklamo ng Department of Justice (DOJ) laban sa ilan nilang miyembro kaugnay ng Mamasapano encounter.
Ayon sa kalihim, batid niyang naiintindihan ng panig ng MILF ang proseso na kailangang pagdaanan.
Binigyang-diin ni de Lima na dumaan ang report ng NBI National Prosecution Service Special Investigating Team kay Pangulong Noynoy Aquino.
Ayon kay de Lima, mahigit isang buwan na ang nakalilipas ay handa na ang investigating team na ihain ang kaso pero minarapat na bigyang daan ang sinasabing alternative truth sa Mamasapano incident.
Sa huli, inabandona ng investigating team ang alternative version at nakakuha sila ng clearance sa Pangulo para maihain ang reklamo sa mga responsable sa pagkamatay ng SAF 44.
By Meann Tanbio | Bert Mozo (Patrol 3)