Dapat matiyak ang kaligtasan ng mga miyembro ng hudikatura na siyang maaatasang dirinig sa mga kasong isasampa laban sa mga armadong grupo sa Mindanao tulad ng Maute Terror Group.
Ito ang apela ni Justice Secretary Vitaliano Aguirre kay Supreme Court Chief Justice Maria Lourdes Sereno upang makamit ang hustisya sa mga nabiktima ng karahasan na pawang mga inosenteng sibilyan.
Kasunod nito, nanawagan din si Aguirre kay Sereno na lumikha ng mga Special Court sa Visayas o di kaya’y sa Luzon para duon dinggin ang mga isasampang kaso laban sa mga nasabing grupo.
Kasong rebelyon at kriminal ang kinahaharap na kaso ng mga mahuhuling miyembro ng Maute Group at iba pang armadong grupo na naghahasik ng gulo at takot ngayon sa Mindanao.
By: Jaymark Dagala / Bert Mozo