Hinikayat ngayon ng Department of Health o DOH ang lahat ng Pilipino na sumailalim sa kanilang libreng HIV testing sa buong bansa.
Kasabay ito ng paggunita ng World AIDS Day ngayong araw na may temang “Right to Health”.
Ayon kay Health Secretary Francisco Duque, aabot na sa halos 200 ang kabuuang bilang ng social Hygiene Clinics sa buong bansa na nagbibigay ng libreng HIV prevention services.
Maliban dito, tiniyak din ni Duque na ‘fully committed’ ang DOH na mabigyan ng lunas o “treatment “ang sinumang mag – positibo sa HIV tulad ng pagbibigay ng libreng access sa mga ito sa anti – retroviral therapy.
Sa ngayon, ayon sa DOH, patuloy pa ang pagtaas ng kaso ng HIV / AIDS sa bansa kung saan nasa mahigit 50,000 na ang bilang nito.
Sa huli, binigyang – diin ni Duque ang kahalagahan ng pagsailalim sa HIV testing.
HIV testing is essential in the prevention of HIV transmission and a crucial stat[us] in providing life saving treatment to diagnose the HIV.