“Kilig na kilig ako sa kanila (KathNiel).”
Ito ang naging pag-amin ng batikang direktor na si Olivia Lamasan sa nalalapit na pagpapalabas ng pelikulang “Barcelona: A Love Untold”, pagbibidahan nina Kathryn Bernardo at Daniel Padilla.
Aniya, dapat siya ang unang kiligin, at naramdaman niya ito sa KathNiel.
Idinagdag din ni Lamasan na iba ang antas ng kilig at koneksyon na maibibigay ng dalawa ngayon.
“This one it’s different. Mataas ang sexual tension. They have matured, naging mama na sila at saka dalaga,” paliwanag ni Lamasan.
Binigyang diin ng direktor na isang malaking challenge praa sa kanya ang paggawa ng nasabing pelikula dahil mas mature roles ang ginampanan ng KathNiel.
Ipapalabas na ang “Barcelona: A Love Untold” sa mga sinehan sa darating na September 14.