Inireklamo ng isang Grab driver ang young actor na si Diego Loyzaga.
Ayon sa driver na si John Ronnel Paglalunan, napag-initan siya ng grupo ng anak ni Cesar Montano habang patungo siya sa destinasyon ng kanyang pasahero sa Maynila.
Sa salaysay nito, pinagsisipa umano ni Loyzaga ang kanyang kotse at kinatok pa ang kanyang bintana. Dahil dito, nasira aniya ang ilang bahagi ng kanyang sasakyan at natakot sa insidente ang isasakay sana niyang pasahero.
Agad namang ipinagtanggol ng ina ni Diego na si Teresa Loyzaga ang anak at iginiit na walang naganap na pagwawala o paninipa ng sasakyan.