Pumapalo na sa pito (7) ang bilang ng mga nasawi sa magnitude 6.9 na lindol sa Davao del Sur.
Karamihan sa mga nasawi, ayon kay National Disaster Risk Reduction and Management Council (NDRRMC) Spokesman Mark Timbal, ay mula sa bayan ng Padada na sentro ng lindol, samantalang ang ilan ay mula sa mga bayan din ng Matanao at Hagonoy.
Sa Matanao, inatake sa puso ang 81-taong gulang na lola at nabagsakan naman ng debris sa kanilang bahay ang isang 6-taong gulang na batang babae.