Death penalty bill posibleng di umusad sa ilalim ng Duterte admin

Walang nakikitang pag-asa si Senador Panfilo Lacson na muling magbabalik ang parusang kamatayan sa ilalim ng administrasyon ni Pangulong Rodrigo Duterte.

Ito’y ayon kay Lacson na siyang may-akda ng isa sa mga panukala hinggil dito ay dahil sa marami sa kanyang mga kasamahan sa Senado ang tutol sa pagbabalik ng parusang bitay.

Magugunitang umapela sa Kongreso si Pangulong Duterte sa kanyang SONA o State of the Nation Address noong Lunes na ibalik ang parusang bitay para sa mga karumal-dumal na krimen partikular na sa pagtutulak ng iligal na droga.

Una rito, ipinasa na ng Kamara ang naturang panukala ngunit nilimitahan lamang iyon para sa mga paglabag na may kinalaman sa iligal na droga.

Subalit, nagpahayag na si Senate President Koko Pimentel na hindi nila prayoridad sa Senado ang nasabing panukala.

By   Jaymark Dagala  

Comments

comments