Tinatayang 11 hanggang 16 na bagyo ang inaasahang papasok sa bansa sa nalalabing 6 na buwan ng taong 2015.
Inihayag ito ni Anthony Lucero, OIC ng Climate Impacts Monitoring Prediction Section sa ilalim ng Climatology and Metreology Division ng PAGASA.
Sinabi ni Lucero, mas mababa ito kumpara sa average na 20 bagyo na pumapasok sa bansa kada taon dulot ng umiiral na El Niño phenomenon.
Sinabi pa ni Lucero na darami pa ang mga lugar na nakararanas ng madalang na pag-ulan habang sa Oktubre naman inaasahang titindi pa ang nararanasang El Niño mula sa light patungong moderate.
By Jaymark Dagala | Jill Resontoc (Patrol 7)