Tuloy-tuloy ang pamamahagi ng mga libreng buto ng gulay ng Department of Agriculture (DA) sa mga residente sa buong National Capital Region (NCR).
Ayon kay Agriculture Secretary William Dar, layunin ng nabanggit na proyekto ang matiyak ang pagkakaroon ng food security sa mga kabahayan sa Metro Manila.
Maliban dito, sinabi ni Dar na maaari rin itong magamit bilang karagdagang kita sa bawat pamilya lalo na kung marami ang maitatanim na maaari namang maibenta sa mga pamilihan.
Ani Dar, pinangangasiwaan ng Agriculture Training Institute at Bureau of Plant Industry ang pammimigay sa mga libreng buto.
Maaari aniyang tawagan ang tanggapan ng mga nabanggit na ahensiya at dadalhin ito mismo sa tahanan ng mga humihingi ng libreng buto.