Tiniyak ni Commission on Appointments (CA) Vice Chair at San Juan Representative Ronaldo Zamora na magiging patas ang pagdinig sa kumpirmasyon ni Environment Secretary Gina Lopez.
Ito ang sagot ni Zamora sa naging pahayag ni Lopez na posibleng madiskaril ang kumpirmasyon sa kaniya dahil sa conflict of interest.
Gayunman, aminado si Zamora na magiging pahirapan ang mga susunod na pagdinig dahil sa dami ng mga grupong kumokontra sa kalihim.
“Usually kung makatanggap ka ng isa o dalawa, maguglat ka na eh, ngayon napakarami and in fact so many have prepared to testify against her, in fairness naman so many have also prepared to testify for her, kaya mukha namang mapahirapan ang Commission on Appointment pagdating sa actual hearing.” Ani Zamora.
Kasunod nito, itinanggi ni Zamora ang paratang ni Lopez na kabilang siya sa mga nagmamay-ari ng minahan dahil matagal na niyang binitawan ang mga ito.
PAKINGGAN: Bahagi ng pahayag ni San Juan Representative Ronaldo Zamora
By Jaymark Dagala | Karambola (Interview)