Iniimbestigahan na ng airport police ang umanoy insidente nang pagnanakaw ng celfon ng close in security ni Vice President Leny Robredo sa NAIA Terminal 3.
Ayon sa reklamo ng isang Gerlie Gobaton naka duty siya sa NAIA 3 VIP entrance at naisipan niyang i charge ang kaniyang celfon.
Nag CR lamang aniya siya at pagbalik niya ay nagulat siya dahil wala na ang kaniyang mamahaling celfon.
Sinabi ni Gobaton na kaagad siyang nagreklamo sa airport police at nagpatulong na ma review ang CCTV kung saan lumabas na isang lalaking naka barong ang dumampot sa kaniyang celfon at hinala niya ay close in security ni Robredo na padating mula Cagayan de Oro City.
Inaalam na ng airport police kung sino at ano ang pangalan ng nasabing bodyguard ni Robredo.