Naniniwala ang China na mapa-plantsa rin ang gusot sa Pilipinas sa pamamagitan ng makatwirang paraan.
Sinabi ito ng Chinese Ambassador to the Philippines Zhao Jianhua matapos pasalamatan ng Pangulong Noynoy Aquino ang Filipino Chinese Community sa kanilang ambag sa iba’t ibang sektor ng bansa at dapat ipreserba ang pagkakaisang itinatag ng mga ninuno ng dalawang bansa sa mahabang panahon.
Iginiit ni Zhao na inaasahan nila ang pakikipag-ugnayan sa Pilipinas para higit na maitaguyod ang bilateral commerce, trade, tourism, people-to-people exchanges at para matiyak ang maunlad na kinabukasan ng dalawang bansa.
By Judith Larino | Kevyn Reyes