Pinasisibak ng Ombudsman si Deputy Speaker at Cebu Rep. Gwen Garcia sa puwesto kaugnay ng kasong grave misconduct na kinahaharap nito.
Ito’y dahil sa pagpasok umano ni Garcia sa isang kasunduan hinggil sa pagbili ng Balili Property sa Tiga-an, Naga, Cebu nuong 2008.
Giit ng Ombudsman, walang awtoridad si Garcia mula sa Sangguniang Panlalawigan para pumasok ito sa kasunduan sa pagitan ng ABF Construction para sa isang human settlement at seaport project ng Cebu.
Bigo rin umano si Garcia na tukuyin ang eksaktong probisyon sa appropriation ordinance na nagpapahintulot sa kaniyang pumasok sa isang kontrata.
Pero duda si Garcia na posibleng may kinalaman sa impeachment case ni Supreme Court Chief Justice Maria Lourdes Sereno ang inilabas na desisyon laban sa kaniya ng Ombudsman.
Giit ni Garcia, tila sini-single out umano siya dahil nangyari ang kaso nuong siya’y gubernador pa ng lalawigan subalit bahala na si House Speaker Pantaleon Alvarez ang pagpapatupad ng dissmisal order ng Ombudsman laban sa kaniya.
Ulat ni DWIZ Patrol Reporter Jill Resontoc
Posted by: Robert Eugenio