SPECIAL REPORTS

Lumago ng 5.7% ang cash remittances mula sa Overseas Filipinos o katumbas ng 2.64 billion dollars noong Nobyembre 2022.

Kumpara ito sa 2.5 billion dollars sa kaparehong panahon noong 2021.

Ayon sa Bangko Sentral ng Pilipinas, mayorya ng padala ay mula sa land at sea-based workers.

Mula Enero hanggang Nobyembre noong isang taon, naitala ng BSP ang 29.3 billion dollar cash remittance, kumpara sa 28.4 billion dollars sa kaparehong panahon noong 2021.

Karamihan sa mga nagpadalang OFW ay mula sa US, Singapore, Saudi Arabia at Qatar.

Itinurong isa sa dahilan ng pagtaas ng remittances ay ang Christmas Holidays at mataas na palitan ng piso kontra dolyar.

Patuloy ang paglakas ng piso kontra dolyar.

Sa datos ng Bangko Sentral ng Pilipinas (BSP) nagsara ang palitan kahapon sa P54.87 kada U.S. dollar.

Kumpara ito sa P55.11 na exchange rate noong Lunes.

Ito na sa ngayon ang pinaka-malakas na performance ng piso simula noong Hunyo 30 ng isang taon kung saan umabot sa P54.97 centavos ang palitan.

Kabilang sa itinuro ng BSP na dahilan ng paglakas ng piso ay pagtaas ng remittances mula sa mga Overseas Filipino noong holiday season.

Lumabas sa OCTA Research Survey na mayorya ng mga Pilipino ang handang magtayo ng negosyo sa bansa.

Sa survey na isinagawa nitong October 2022 na nilahukan ng 1,200 respondents, lumabas na 81% ng mga Pinoy ang handang makipagsapalaran sa pagnenegosyo.

Ikinatuwa naman ni Go Negosyo Founder Joey Concepcion ang ulat lalo’t mayorya ng negosyo sa bansa ay kabilang sa Micro, Small and Medium Enterprises.

Sa larangan naman ng socioeconomic classes, ang mga kabilang sa klase ng ABC at D ay may interes sa negosyo na humigit-kumulang 80%, habang ang nasa E ay may interes na 74%.

Ipinakita sa pinakabagong datos ng Bureau of Treasury na pumalo sa 63.7% ang Debt-to-Gross Domestic Product ratio ng bansa sa ikatlong bahagi ng 2022.

Ito ang pinakamataaas na bilang na naitala sa loob ng 17 taon, na sumunod sa 65.75 Debt-to-GDP ratio noong 2005 sa ilalim ng Arroyo Administration.

Sinabi naman ni ING Bank senior economist Nicholas Mapa na dapat ituon ng gobyerno ang kanilang pansin sa revenue generation na makatutulong sa pagpapalaki ng resources.

Samantala, ayon naman kay Rizal Commercial Banking Corp. chief economist Michael Ricafort, hindi ito magandang panahon para sa mas mataas na pagpapataw ng buwis dahil maaaring makadagdag ito sa inflationary pressures.

Mababatid na naghain ng panukala ang Makabayan Bloc kamakailan ng apat na panukalang batas na kumukontra sa Value Added Tax bilang pag-agapay sa publiko sa epekto ng 7.7% inflation rate. —sa panulat ni Hannah Oledan

Nananatili pa rin sa evacuation centers ang nasa 10,026 na pamilya o katumbas ng mahigit 42,856 katao matapos ang pananalasa ng bagyong Paeng.

Batay ito sa datos ng disaster response operations monitoring and information center ng DSWD hanggang kaninang ala-6 ng umaga.

Aabot sa 45,049 ang napinsalang kabahayan ng bagyo kabilang ang nasa 5,097 lubhang nagtamo ng sira.

Umabot naman sa 259,953,704.20 na halaga ng food at non-food items ang naipamahagi ng DSWD, LGUs, NGOs at iba pang partners nito sa mga biktima ng kalamidad.

Bahagyang lumakas ang piso kontra dolyar sa halagang P57.97 centavos.

Matatandaang bumagsak ang halaga ng piso noong nakaraang linggo na umabot pa sa P59.

Ayon kay BDO Capital President Ed Francisco, posibleng magsuporta sa local currency ang milyong pisong halaga ng inward remittances sa nalalabing tatlong buwan ng taon.

Gayunman, may posibilidad pa rin aniyang bumagsak pa sa P60 ang palitan ng piso katumbas ng isang dolyar. —sa panulat ni Jenn Patrolla