Nakaalerto na ang probinsiya ng Cagayan para sa inaasahang pananalasa ang bagyong Ramon.
Ayon kay Cagayan Governor Manuel Mamba, naging mas madali na ngayon ang pre – emptive evacuation sa probinsiya dahil na rin sa halos limang araw na pag ulan at baha na naranasan sa lugar noong nakaraang linggo.
Dun sa Quiel po ang tagal ng flooding, malayo po sa amin yung Quiel pero dire-diretso na ulan ang nangyari dito, almost 1 week na dire-diretso yung ulan kaya nalubog po yung 11,008 houses yung nalubog nun na underwater for almost 5 days po kaya ngayon madali yung pre-emptive evacuation dahil may trauma pa yung mga tao,” ani Mamba.
Malaking bagay din aniya ang una nang idineklarang state of calamity sa probinsiya para sa pagtugon sa mga pangangailangan ng mga maapektuhan ng bagyo.
Pagod na nga yung mga responders natin dahil ilang araw na silang nakapre- position noon pa. At hopefully po mag-exit na ito, na kung pwede sana hindi na tatama dito sa Cagayan po, nakahanda naman po kaya lang it’s a long wait po, napakahaba na ito,” ani Mamba. — sa panayam ng Balitang Todong Lakas.