Iginagalang ng Malakanyang ang ikinakasang ‘Black Friday Protest for Press Freedom ng NUJP o National Union Journalist of the Philippines mamayang gabi.
Sinabi ni Presidential Spokesman Harry Roque na ang nasabing kilos protesta ay patunay lamang na buhay ang kalayaan at demokrasya sa Pilipinas.
Dagdag pa ni Roque , nananatili ang posisyon ng Malakanyang na pahintulutan ang mga ganitong pagkilos at at pagpapahayag ng kritisismo bilang pagkilala sa karapatan ng mga raliyista.
Kasabay nito , magpapatupad aniya pulisya ng maximum tolerance para tiyakin ang kaligtasan ng lahat ng dadalo sa nasabing pagtitipon.