Sumampa na sa labingtatlo (13) ang nasawi sa pananalasa ng bagyong Paolo sa ilang panig ng bansa.
Kabilang sa mga fatality ang isang hindi pa nakikilalang lalaki na nabagsakan ng puno sa Lanao Del Norte bunsod ng malakas na hanging dala ng bagyo.
Tinaya naman sa dalawampu’t tatlong libong (23,000) pamilya o nasa isandaan labinlimang libong (115,000) katao ang apektado ng kalamidad sa regions 9, 12, CARAGA at ARMM.
Samantala, halos isanlibong (1,000) kabahayan ang nawasak o napinsala sa mga nabanggit na lugar.