Pumalo na sa apatnapu’t dalawa (42) ang napatay sa unang dalawang linggo lamang ng Oplan Double Barrel Reloaded ng PNP o Philippine National Police.
Batay sa datos ng PNP, pinakamaraming napatay sa Region 3 na umabot sa dalawampu’t tatlo (23).
Nilinaw ng PNP na lahat ng mga naitala sa kanilang listahan ay nanlaban sa mga pulis.
Dalawa namang pulis ang naitalang patay samantalang tatlo ang sugatay sa kasagsagan ng operasyon ng PNP kontra droga.
Umakyat na rin sa mahigit dalawang libo walong daan (2,800) ang naarestong drug suspects, pinakamarami dito ang mula sa CALABARZON at Region 7 na may tig-500 katao.
Samantala, sa Oplan Tokhang Revisited, umabot na sa mahigit sa labing tatlong drug users at pushers ang napasuko ng PNP matapos katukin ang mahigit sa isandaan at dalawampung kabahayan sa iba’t ibang panig ng bansa.
By Len Aguirre | Jonathan Andal (Patrol 31)