Kumbinsido ang rebeldeng grupo na Bangsamoro Islamic Freedom Fighters (BIFF) na diversionary tactic lamang ng Abu Sayyaf ang pambobomba sa Davao City noong Biyernes.
Ito, ayon kay BIFF Spokesman Abu Misry Mama, ay upang matuon ang atensyon ng militar sa Davao sa kabila ng kanilang operasyon laban sa ASG sa Sulu.
Ang deployment anya ng karagdagang mga sundalo sa Sulu upang durugin ang Abu Sayyaf ang posibleng dahilan ng pagpapasabog sa Davao City.
Sa kabila nito, itinanggi ni Mama na sangkot sila sa naturang pag-atake at iginiit na sa katunayan ay suportado nila ang kampanya ng gobyerno laban sa illegal drugs at terorismo.
By: Drew Nacino