Pipilitin pa ring maipasa ni Cagayan de Oro Representative Rufus Rodriguez ang panukalang Bangsamoro Basic Law (BBL) sa kamara.
Ayon kay Rodriguez, posibleng mapprubahan ang BBL sa natitirang apat na araw na sesyon bago mag-adjourn ang kongreso.
Aniya, ito ay dahil marami sa mga nagpalistang interpellators ang nagsabing hindi na tutuloy matapos na maliwanagan sa mga narinig na sagot nitong huling deliberasyon.
Kaugnay nito, ipinauubaya na ng mambabatas kay House Speaker Sonny Belmonte na magkaroon ng sapat na quorum para sa gagawing deliberasyon sa susunod na linggo.
By Rianne Briones