Dapat ipagpaliban muna ang pagsisimula sa pag-iimprenta ng mga balota para sa barangay elections.
Ito ang iginiit ni Senator Chiz Escudero, kasunod ng panawagan ng COMELEC o Commission on Elections sa Kongreso na agarang magdesisyon hinggil sa pagpapaliban ng barangay at SK elections.
Ayon kay Escudero, malabong makakapagpasya ang Kongreso at makapaghain ng batas ukol dito dahil naka-recess pa ang sesyon.
Dagdag pa ng senador, ang tangi lamang nilang gagawin sa pagbabalik ng sesyon sa Hulyo 24 ay ang makinig sa SONA ni Pangulong Rodrigo Duterte.
Payo ni Escudero, dapat magsagawa ng back channelling ang COMELEC para malaman kung ano ang kagustuhan ng administrasyon sa usapin.
By Krista de Dios / with report from Cely Bueno (Patrol 19)
Ballot printing dapat munang ipagpaliban—Senator Chiz was last modified: June 27th, 2017 by DWIZ 882