Nagpapatuloy ang bakbakan sa pagitan ng Syrian Army at mga rebelde sa Aleppo City.
Layunin ng militar na maibalik sa kamay ng gobyerno ang naturang lungsod na kinubkob ng Anti-Assad Forces.
Magdamag na inulan ng bomba mula sa pinagsanib na Russian at Syrian Air Forces ang Aleppo.
Bagaman patuloy umano ang pag-atras ng mga rebelde, tumataas naman ang bilang ng namamatay kabilang ang mga sibilyang naiipit sa isa sa pinakamatinding sagupaan sa 5 taong civil war sa Syria.
Ang Aleppo ang isa sa pinakamalaking balwarte ng Syrian Rebel Forces at mga grupong nakikipaglaban sa rehimen ni President Bashar Al-Assad.
By Drew Nacino