Simula sa Lunes, Enero 18, huhulihin na ng Metropolitan Manila Development Authority (MMDA) at PNP Highway Patrol Group ang mga motoristang dadaan sa yellow lane mula Shaw Boulevard hanggang Guadalupe sa EDSA.
Ayon kay Secretary to the Cabinet at Traffic Czar Jose Rene Almendras, na tumatayo ring Chairman ng EDSA Traffic Technical Working Group, layon ng naturang hakbang na mapabilis ang daloy ng trapiko sa bahagi ng Shaw blvd. at Guadalupe.
Sinabi rin ni Almendras na ang mga private motorists na lalabag ay huhulihin at i-isyuhan ng traffic violation tickets ng MMDA o kaya’y HPG.
Kasabay nito, inatasan ng technical working group ang MMDA na tapusin ang installation ng plastic barriers na magsisilbing delineators sa southbound bus lane sa pagitan ng Shaw at Guadalupe hanggang sa Enero 15.
By Meann Tanbio