Handa na ang Department of National Defense o DND na maghanap ng ibang bansa na maaring mabilhan ng kanilang kinakailangang mga helicopter.
Ayon kay DND Sec. Delfin Lorenzana, ito ay kung pinal na ang desisyon ng Pangulo na itigil ang nakatakdang acquisition o pagbili ng 16 na Canadian Bell 412 helicopters na nagkakahalaga ng P11.65 Bilyong Piso.
Pahayag ni lorenzana, maliban sa Canada, marami pa namang mga bansa na maaring pagkuhanan ng mga helicopter tulad ng Russia, China, Korea at Turkey.
Dagdag ng kalihim, gagamitin ang mga bibilhing helicopter sa pagtransport ng mga military personnel at mga equipment, mga sugatang sundalo, at para sa humanitarian assistance and disaster response operations.
Nilinaw ni Lorenzana, na hindi gagamitin sa mga militaray operations laban sa mga mga kalaban ng estado ang mga bibilhing helicopter.
Posted by: Robert Eugenio