Nilinaw ng Supreme Court En Banc na si Associate Justice Teresita Leonardo de Castro lamang ang pinapahintulutang tumestigo sa issue ng adjudicative matters, na isa sa mga issue na tinatalakay ng House Justice Committee sa impeachment case ni Chief Justice Maria Lourdes Sereno.
Ito’y may kaugnayan lamang sa pag-de-desisyon sa mga kaso at hindi kasama ang naging deliberasyon.
Ang tatlong administrative matters ay ang issuance of the TRO sa kaso ng Senior Citizens Partylist at ang komunikasyon sa pagitan ni Sereno at De Castro maging ang merito ng kaso ay maaaring sagutin ni Justice De Castro.
Pinahintulutan din si De Castro na sumagot at talakayin ang kanyang main decision at merito sa kaso ng clustering sa pagpili ng mga aplikante para sa pagka-mahistrado kung saan sangkot ang Judicial and Bar Council.
Pero binawalan namang ihayag ang naging deliberasyon ng clustering bago makapagpalabas ng kanyang pasya sa kinukwestyong clustering.
Kabilang din sa binigyang go signal ng En Banc na mailahad ni Justice De Castro ay ang merito at kanyang separate concurring opinion sa kaso ni dating Solicitor-General na ngayo’y SC Associate Justice Francis Jardeleza ngunit hindi rin ito pinayagan na isiwalat ang naging delibersyon sa kaso ni Jardeleza.