Patay ang isa sa mga miyembro ng Abu Sayyaf sa inilunsad na Special Intelligence Operations ng joint task group Sulu sa bayan ng Indanan, kaninang madaling araw.
Kinilala lamang ang napaslang na bandido sa pangalang Haber alyas Abu Qudama.
Ayon kay joint task group Sulu commander, Brig. Gen. Alan Arrojado, nagsasagawa ng operasyon ang mga tropa ng Gobyerno sa Sitio Annur, Barangay Buanza dakong ala 1:00 nang mamataan ang suspek.
Nasa ilalim anya si haber sa pamumuno ni asg sub-leader sibih pisih na nag-o-operate sa Indanan at mga karatig bayan ng parang at maimbung, Sulu.
May nakabinbing warrant of arrest din ang napaslang na asg member dahil sa pagkakasangkot sa pagkidnap ng ilang sibilyan sa isang pearl farm sa Samal, Davao del Norte at Sipadan, malaysia noong 2001.
By: Drew Nacino