Handang pangasiwaan ng ASEAN o Association of Southeast Asian Nations ang diyalogo sakaling magbalik sa negotiating table ang North Korea.
Inihayag ito ni Foreign Affairs Secretary Alan Peter Cayetano matapos magsagawa ng hydrogen bomb test ang NoKor.
Nagkataong nasa Seoul, South Korea si Cayetano para sa isang official visit nang isagawa ang nuclear bomb test ng North Korea.
Kasabay nito ay inatasan na ni Cayetano ang embahada ng Pilipinas sa Seoul na tiyaking naabisuhan ang 65,000 Pilipino na nakatira at nagtatrabaho sa SoKor hinggil sa mga contingency plans sakaling lumala ang tensyon sa pagitan ng South at North Korea.
By Len Aguirre