Ikakasa ng mga mangingisda sa Western Visayas ang 2 araw na fish holiday kasabay ng Asia Pacific Economic Cooperation (APEC) meeting na magsisimula bukas, Setyembre 22 hangang 23.
Sinasabing 20 malalaking commercial fishing boat operators ang makikiisa sa nasabing protesta laban sa panukalang pag-amyenda sa Fisheries Code of the Philippines o ang Republic Act 10564.
Pinawi naman ni Philippine Fishing Port Development Authority Port Manager Edgar Deysolong ang pangamba ng publiko laban sa fish shortage sa Iloilo at iba pang bahagi ng rehiyon.
Paliwanag ng opisyal, hindi makakaapekto sa suplay ng mga isda sa lugar ang isasagawang fish holiday at katunayan ay nananatili umanong “stable” ang presyo ng mga naturang produkto.
By: Jelbert Perdez