Tinambangan ng mga pinaniniwalaang miyembro ng new people’s army o NPA ang Alkalde ng bayan ng Dingalan sa lalawigan ng Aurora na si Mayor Sherwin Taay
Batay sa impormasyon mula sa 7th infantry division ng Philippine Army, nakasakay umano sa dalawang bangka ang grupo ng Alkalde para maghatid ng gamit sa eskuwela sa Sinagawan elementary school sa barangay Umiray nang mangyari ang insidente
Malapit na umano sa dalampasigan ng nasabing barangay ang grupo ni Taay nang biglang magsilabas ang mga armadong lalaki at agad silang pinaulanan ng bala
Dahilan para gumanti ng putok ang grupo ni Taay kung saan, napatay ang isa sa mga military escort nito habang nakaligtas naman ang Alkalde
Nangyari ang insidente, dalawang araw bago magsimula ang usapang pangkapayapaan sa pagitan ng pamahalaan at ng mga rebeldeng komunista
By: Jaymark Dagala
