Pumalag ang Department of Foreign Affairs (DFA) sa naging alegasyon ng grupong Migrante International na pinabayaan umano nito ang mga stranded Filipino seafarers sa China.
Ayon sa DFA sa pamamagitan ng konsulada ng Pilipinas sa Xiamen, pinaplantsa na nila ang repatriation para sa 11 Pinoy seafarers mula sa Ocean Star 86 mula pa noong Marso.
Agad din anilang nagpadala ng ayuda ang embahada ng Pilipinas sa Beijing para sa mga nasabing Pinoy matapos na matanggap ng Philippine Consulate General ang isang email letter noong Abril mula sa isang Jake Cruz.
Giit pa ng DFA, agad sinuri ang physical at mental na konsitusyon ng mga nasabing Pinoy crew members at ibinigay din ang iba pang pangangailangan ng mga ito lalo na iyong mga nai-stranded sa Fujian Province.