Hinamon ni AFP Chief of Staff General Eduardo Año ang mga magigiting na sundalo na magboluntaryong lumaban sa ASG o Abu Sayyaf Group.
Sa kanyang talumpati sa harap ng mga tropa ng Western Mindanao Command sa Camp Navarro, Zamboanga City, sinabi ni Año na ang paglaban sa ASG ay ang pagkakataon ng mga sundalo na makamit ang Medal of Valor na siyang pinakamataas na parangal na iginagawad ng Pangulo.
Kamakailan ay itinaas pa ni Pangulong Rodrigo Duterte ang gratuity ng mga Medal of Valor awardee mula 25,000 Pesos patungong 75,000 Pesos.
Sa kasaysayan ng militar, nasa 40 sundalo pa lamang ang nabibigyan ng Medal of Valor.
By: Meann Tanbio / Jonathan Andal