Ilulunsad ng Department of Interior and Local Government (DILG) ang isang adbokasiya para maibalik ang umanoy “culture of discipline” ng mga Pilipino.
Ayon kay DILG Undersecretary Jontahan Malaya, lumalabas sa kanilang pagsusuri na kawalan ng disiplina ang ugat ng mga problema sa bansa.
Aniya, hindi pwedeng gobyerno lamang ang gagawa ng paraan para umunlad ang bansa, kailangan ding kumilos ng mga mamayan.
Dagdag pa nito, kailangan din magpatupad ng mahigpit na pagbabantay lalo na sa kani-kanilang mga komunidad.
Hindi naman binanggit ni Malaya ang pangalan ng naturang kampanya.
Nakatakdang ilabas ang kampanyang magbabalik sa ‘culture of discipline’ ng mga Pilipino sa unang Linggo ng Nobyembre.